ღია კარის დღე და სამომავლო გეგმების პრეზენტაცია

სამშაბათს, 13 ივლისს, 17:00 ბაქსვუდის საერთაშორისო სკოლა გეპატიჟებათ ღია კარის დღეზე.

სპეციალურად ამ დღისათვის საქართველოში ვიზიტით იმყოფება დიდი ბრიტანეთის ბაქსვუდის სკოლის დირექტორი და ბაქსვუდის სკოლათა ქსელის ხელმძღვანელი ბ-ნ ჯაილზ სატონი და ბაქსვუდის დაწყებითი სკოლის ხელმძღვანელი ბ-ნ შონ კესიდი, რომლებიც გაუძღვებიან ღია კარის დღეს და წარმოადგენენ პრეზენტაციას საქართველოში ბაქსვუდის სკოლის სამომავლო გეგმებთან დაკავშირებით.

შეხვედრა საინფორმაციო ხასიათს ატარებს და განკუთვნილია ბაქსვუდის სკოლის არსებული მშობლისათვის და მათთვის, ვინც სკოლამდელი თუ სკოლის ასაკის ბავშვისათვის არჩევს სკოლას.

შეხვედრა საინტერესო იქნება საბავშვო ბაღის წარმომადგენლების, ე.წ. საგანმანათლებლო აგენტი ორგანიზაციებისა და განათლების სფეროში მომუშავე სხვა დაწესებულებების თანამშრომლებისათვისაც.

ღია კარის დღეზე მონაწილეები გაეცნობიან ბაქსვუდის სკოლის სპეციფიკასა და განსაკუთრებულობას, მიიღებენ დაწვრილებით ინფორმაციას სკოლის აკადემიური და არააკადემიური პროგრამების შესახებ, გაეცნობიან სკოლის სამომავლო გეგმებსა და სერვისებს.

სტუმრებს შესაძლებლობა ექნებათ იგემონ ტრადიციული ინგლისური ჩაი და ნამდვილი ქართული ღვინო.

დასწრება ყველა დაინტერესებული პირისათვის თავისუფალია.

ბაქსვუდის საერთაშორისო სკოლის 
ადმინისტრაცია.